Kwa mujibu wa Shirika la Habari la Hawza, Ayatullah al-Udhma Jawadi Amuli, miongoni mwa Maraji' wakuu wa Kishia, jana Alhamisi, katika kikao chake na Waziri wa Jihadi ya Kilimo wa Iran, amesisitiza nafasi ya wananchi katika kuilinda nchi, akisema: «Mwenyezi Mungu Mtukufu anahusisha kulindwa nchi na msaada wa wananchi, na hawaoni wananchi kuwa wametengana Naye, Bali anawaona kuwa ni “Mkono wa Mwenyezi Mungu”. Mwanadamu ambaye ni mja wa Mwenyezi Mungu na amefahamu hakika ya utumwa kwa Mwenyezi Mungu, hajioni kuwa ametengana na Mwenyezi Mungu; na Mwenyezi Mungu naye humwona kuwa ni mkono Wake, hawa ndio waja wa Mwenyezi Mungu.»
Mtukufu Ayatullah al-Udhma Jawadi Amuli ameongeza kusema: «Mwanadamu anapaswa kufikia hatua ambayo matendo yake yote yanaambatana na tawfiki na uthibitisho kutoka kwa Mwenyezi Mungu.»
Ayatullah al-Udhma Jawadi Amuli ameyataja Mapinduzi ya Kiislamu na vita vya miaka nane kuwa miongoni mwa mifano ya kuambatana na kupata uthibitisho wa Mwenyezi Mungu, akisema: «Mapinduzi yetu yalikuwa hivyo, na vita vya miaka nane pia vilikuwa hivyo. Vita vyetu vya miaka nane vilikuwa vita vya kimataifa, tukiwa na wananchi hawa, nchi itapata ushindi.»
Maoni yako